Athugið þessi frétt er meira en 3 ára gömul.

Ingi Þór tekinn við KR

Mynd: Þorkell Gunnar Sigurbjörnsson - RÚV

Ingi Þór tekinn við KR

12.06.2018 - 12:17

Valur Páll Eiríksson

íþróttafréttamaður

Senda skilaboð

Ingi Þór Steinþórsson er nýr þjálfari meistaraflokks karla í KR í körfuknattleik. Þetta var tilkynnt á blaðamannafundi rétt í þessu. Ingi verður einnig yfirþjálfari yngri flokka hjá KR og skrifar undir fjögurra ára samning.

-Ingi Þór tekur við af Finni Frey Stefánssyni en undir hans stjórn hefur KR unnið Íslandsmeistaratitilinn fimm ár í röð.

Ingi Þór hefur þjálfað karla- og kvennalið Snæfells frá árinu 2009. Hann gerði kvennaliðið að þreföldum Íslandsmeisturum auk þess sem karlalið félagsins vann einn Íslandsmeistaratitil undir hans stjórn.

Ingi er uppalinn KR-ingur og var síðast aðalþjálfari meistaraflokks karla árið 2004. Þá var hann aðstoðarþjálfari Benedikts Guðmundssonar hjá KR árið 2009 er liðið varð Íslandsmeistari.

Einnig var tilkynnt á fundinum að Jón Arnór Stefánsson og Kristófer Acox hefðu framlengt samninga sína við Vesturbæjarliðið.