Hjólaleiðir hlutu Nýsköpunarverðlaunin

Mynd með færslu
 Mynd:

Hjólaleiðir hlutu Nýsköpunarverðlaunin

13.02.2014 - 16:28
Hjólaleiðir á Íslandi, verkefni unnið af Evu Dís Þórðardóttur úr Háskólanum í Reykjavík og Gísla Rafni Guðmundssyni úr Háskólanum í Lundi, hlaut Nýsköpunarverðlaun forseta Íslands í dag.

Leiðbeinendur þeirra í verkefninu voru þau Guðbjörg Lilja Erlendsdóttir og Ólafur Árnason hjá verkfræðistofunni Eflu. 

Verkefnið Hjólaleiðir á Íslandi gengur út á að meta hjólaleiðir hérlendis út frá kröfum EuroVelo, sem heldur utan um meginkerfi reiðhjólaleiða í Evrópu og stuðlar að sjálfbærri ferðamennsku. Skráning hjólaleiða á Íslandi á kortið er liður í að vekja athygli á landinu sem viðkomustað fyrir hjólaferðamenn.

Verðlaunin voru afhent við hátíðlega athöfn á Bessastöðum síðdegis. Fimm verkefni voru tilnefnd til verðlaunanna en markmið þeirra er að heiðra námsmenn sem unnið hafa framúrskarandi starf við úrlausn verkefna sem styrkt eru af Nýsköpunarsjóði námsmanna. 

Tengdar fréttir

Mannlíf

Hjólaleiðir og málfræði meðal tilnefndra