Athugið þessi frétt er meira en 6 ára gömul.

Hitaveita stofnuð í Kjósinni

20.01.2015 - 20:41
Mynd með færslu
 Mynd:
Kjósahreppur hefur stofnað fyrirtæki vegna þess heita vatns sem fannst í hreppnum, nú síðast í landi Möðruvalla. Kjósarveitur ehf. var stofnað formlega í byrjun ársins.

Á Möðruvöllum fundust vel heppnaðar heitavatnsholur sem áætlað er að virkja fyrir sveitina. Í frétt á vef Kjósarhrepps segir að í kjölfar þess að formlegt nýtingarleyfi á borholunum var gefið út af Orkustofnun hafi fyrirtækið verið stofnað til að halda utan um verkefnið. 

Framkvæmdastjóri félagsins er Sigríður Klara Árnadóttir, á Klörustöðum. Verður nú farið á fullt að gera nýja kostnaðaráætlun vegna hitaveitunnar þannig að hægt sé að taka næstu skref.