Athugið þessi frétt er meira en 1 ára gömul.

Hermenn beittu táragasi gegn flóttafólki

21.01.2020 - 05:39

Erlent · Flóttamenn · Gvatemala · Mexíkó · Mið- og Suður-Ameríka

epa08145436 Central American migrants, mostly Hondurans, manage to cross the Suchíate river that divides Mexico and Guatemala to enter Mexican territory, in City of Hidalgo, Chiapas state, Mexico, 20 January 2020. Hundreds of migrants are crossing the Suchiate River, which separates Guatemala from Mexico, in order to enter Mexican territory illegally after the government rejected their formal request to enter the country. On 19 January, a migrant caravan consisting of Central Americans at the border of Guatemala announced that they would postpone their crossing to 20 January because they still wait for other partners, with whom they estimate to add between 5,000 and 8,000 people. EPA-EFE/Juan Manuel Blanco

Mynd: EPA-EFE - EFE

Mörg hundruð flóttamenn frá Mið-Ameríku reyndu að ryðja sér leið yfir landamæri Gvatemala að Mexíkó í gær með því að vaða yfir á sem liggur á milli landanna. Mexíkóskir þjóðvarðliðar bægðu fólkinu frá með táragasi.

Flóttamennirnir komu úr hópi um 3.500 manna úr Mið-Ameríku. Fólkið kom sér fyrir í Gvatemala, við bakka árinnar Suchiate, snemma í gærmorgun. Það krafðist þess að innflytjendayfirvöld í Mexíkó leyfðu þeim að halda för sinni áfram enn norðar, til Bandaríkjanna. Þar sem ekkert svar barst ákvað hluti af hópnum að láta reyna á að komast yfir ána. Eins og áður segir svöruðu þjóðvarðliðar við landamærin með táragasi, sem hrakti fólkið til baka. Tugir flóttamanna brugðust reiðir við og hófu að grýta herlögregluna við landamærin með stórum steinum, sem lögreglan varðist með óeirðarskjöldum. Um 200 tókst að brjóta sér leið í gegnum öryggishlið á landamærunum, en þau voru öll handtekin að sögn yfirvalda. Mexíkósk yfirvöld kveðast reiðubúin að taka á móti fólki frá Mið-Ameríku, svo framarlega sem það kmeur á lögmætan og öruggan hátt.

Hert gæsla að beiðni Bandaríkjanna

Þetta er í fyrsta sinn sem yfirvöld í Mexíkó halda hópi flóttamanna frá landamærunum. Fjölmennir hópar hafa reglulega lagt leið sína frá ríkjum Mið-Ameríku í átt til Bandaríkjanna. Flestir flóttamannanna eru að flýja mikla fátækt og gróft ofbeldi glæpagengja í El Salvador, Gvatemala og Hondúras.

Donald Trump Bandaríkjaforseti krafðist þess í fyrra að Mexíkó gerði meira til þess að koma í veg fyrir að flóttamennirnir kæmust að landamærum Mexíkó og Bandaríkjanna. Hann kallaði komu þeirra innrás, og hótaði Mexíkó innflutningstollum ef ríkið yrði ekki við kröfum Bandaríkjastjórnar. Mexíkó svaraði með því að senda um 26 þúsund hermenn að syðri landamærum sínum. Einnig leyfðu mexíkósk stjórnvöld Bandaríkjunum að senda yfir 40 þúsund umsækjendur um alþjóðlega vernd aftur til Mexíkó á meðan mál þeirra væri til meðferðar í Bandaríkjunum.