Athugið þessi frétt er meira en 2 ára gömul.

Hægt að horfa á keppnina á netinu erlendis frá

Mynd með færslu
 Mynd:

Hægt að horfa á keppnina á netinu erlendis frá

02.03.2019 - 14:47

Höfundar

Bein útsending verður úr Laugardalshöll í kvöld þar sem valið stendur milli fimm laga sem keppa um að verða framlag Íslands Eurovision. Þeir sem ekki fylgjast með í salnum geta horft á keppnina í sjónvarpinu eða á vef RÚV, hvaðan sem er í heiminum, enda njóta undankeppnir þjóða mikilla vinsælda hjá unnendum söngvakeppninnar víða um heim.

Röð laganna ásamt því kosninganúmeri sem notað verður í símakosningunni:

Hvað ef ég get ekki elskað? – Friðrik Ómar – 900-9901
Mama said – Kristina Bærendsen – 900-9902
Fighting for love – Tara Mobee – 900-9903
Moving on – Hera Björk – 900-9904
Hatrið mun sigra – Hatari – 900-9905

Kosið í tveimur umferðum

Kosið verður í tveimur hlutum eins og undanfarin ár. Í fyrri kosningunni stendur valið á milli allra laganna fimm. Alþjóðleg dómnefnd hefur helmings vægi á móti símakosningu almennings. Í fyrri kosningunni kemur ljós hvaða tvö lið fara í einvígi.

Í seinni hluta kosningarinnar verður valið á milli laganna tveggja í einvíginu og þá gildir aðeins símakosning almennings. Atkvæði sem þessi efstu tvö lög fá í fyrri kosningunni, frá almenningi og dómnefndinni, fylgja þeim inn í seinni kosninguna.

Það verður því stigahæsta lag kvöldsins sem sigrar og verður framlag Íslendinga í Eurovision söngvakeppninni í Tel Aviv í maí. 

Hér má horfa á keppnina í beinni útsendingu sem hefst klukkan 19:30.