Hádegisfréttir: Menn í vinnu á leið í þrot

Þetta er meðal þess helsta í hádegisfréttum í útvarpi.

Umboðsmaður Alþingis gagnrýnir seinagang stjórnvalda í máli ekkju sem vildi fá gögn úr sjúkraskrá eiginmanns síns. Umboðsmaður telur að landlæknir hafi ekki farið að lögum þegar embættið staðfesti synjun Landspítalans á beiðni ekkjunnar um gögnin.

Valitor var gert að greiða tæpar tuttugu milljónir í málskostnað vegna skaðabótamáls Sunshine Press Productions og Data Cell gegn kortafyrirtækinu. Dómurinn telur að tafirnar sem urðu á málinu megi að miklu leyti rekja til framferðis kortafyrirtækisins.

Bandarískur fjárfestingasjóður er nú næst stærsti hlutafinn í Icelandair eftir hlutafjáraukningu félagsins í gær. Icelandair hefur þegar hafið samtal við Boeing um skaðabætur vegna kyrrsetningar MAX-þotanna.

Valskonur eru nú aðeins einum sigri frá því að verða Íslandsmeistarar í körfubolta í fyrsta sinn. Valur getur tryggt sér titilinn með sigri á Keflavík í þriðja úrslitaleik liðanna á laugardag.