Athugið þessi frétt er meira en 4 ára gömul.

Guðmundur Andri leiðir lista Samfylkingarinnar

Mynd með færslu
 Mynd: RÚV
Rithöfundurinn Guðmundur Andri Thorsson skipar fyrsta sætið á framboðslista Samfylkingarinnar í Suðvesturkjördæmi fyrir komandi kosningar. Framboðslisti flokksins var samþykktur á fjölmennum fundi í Hafnarfirði í kvöld. Margrét Tryggvadóttir, fyrrverandi þingkona Hreyfingarinnar, er í öðru sæti listans.

Nýtt fólk situr í fimm efstu sætum listans. Næst á eftir Guðmundi Andra og Margréti eru Adda María Jóhannsdóttir, framhaldsskólakennari og bæjarfulltrúi í Hafnarfirði, Finnur Beck, lögfræðingur og stjórnmálafræðingur, og Sigurþóra Bergsdóttir vinnusálfræðingur.

Í fyrra voru Árni Páll Árnason, Margrét Gauja Magnúsdóttir, Sema Erla Serdar, Guðmundur Ari Sigurjónsson og Símon Birgisson í efstu fimm sætunum. Símon er nú í því sjötta. Samfylkingin fékk engan mann kjörinn í kjördæminu í fyrra.

Listinn í heild sinni er svona:
1. Guðmundur Andri Thorsson, rithöfundur
2. Margrét Tryggvadóttir, bókmenntafræðingur og fyrrverandi alþingismaður
3. Adda María Jóhannsdóttir, framhaldsskólakennari og bæjarfulltrúi
4. Finnur Beck, lögfræðingur og stjórnmálafræðingur
5. Sigurþóra Bergsdóttir, vinnusálfræðingur
6. Símon Birgisson, dramatúrgur
7. Gunnar Helgason, leikari og rithöfundur
8. Steinunn Dögg Steinsen, verkfræðingur
9.Erna Indriðadóttir, fjölmiðlamaður
10. Hjálmar Hjálmarsson, leikari og leikstjóri
11. Kolbrún Þorkelsdóttir, lögfræðingur
12. Kjartan Due Nielsen, verkefnastjóri
13. Margrét Kristmannsdóttir, framkvæmdastjóri
14. Hafsteinn Karlsson, skólastjóri
15. Gerður Aagot Árnadóttir, læknir
16. Óskar Steinn Jónínuson Ómarsson, stjórnmálafræðinemi og ritari Samfylkingarinnar
17. Hildur Guðmundsdóttir, deildarstjóri
18. Þráinn Hallgrímsson, skrifstofustjóri Eflingar
19. Ýr Gunnlaugsdóttir, viðburðastjóri
20. Gísli Geir Jónsson, verkfræðingur
21. Rósanna Andrésdóttir, stjórnmálafræðingur
22. Stefán Bergmann, líffræðingur og fyrrverandi dósent við HÍ
23. Jóhanna Axelsdóttir, kennari
24. Ingvar Viktorsson, kennari og fyrrverandi bæjarstjóri í Hafnarfirði
25. Rannveig Guðmundsdóttir, fyrrverandi bæjarfulltrúi, alþingismaður og ráðherra
26. Árni Páll Árnason, lögfræðingur, fyrrverandi alþingsmaður og ráðherra

 

stigurh's picture
Stígur Helgason
Fréttastofa RÚV