Athugið þessi frétt er meira en 5 ára gömul.

Guðjón efstur en Ólína í þriðja sæti

Mynd með færslu
 Mynd: Aðsend mynd
Guðjón S. Brjánsson, forstjóri Heilbrigðisstofnunar Vesturlands, hreppti efsta sætið í prófkjöri Samfylkingarinnar í Norðvesturkjördæmi. Inga Björk Bjarnadóttir listfræðinemi varð önnur og Ólína Kjerúlf Þorvarðardóttir, þingmaður Samfylkingarinnar, varð í þriðja sæti.

Guðjón hlaut 324 atkvæði í fyrsta sæti, 57 fleiri en Ólína sem fékk 267 atkvæði. Inga Björk fékk 445 atkvæði í fyrsta til annað sæti.

Kosið var í tvö efstu sæti á lista Samfylkingarinnar í Norðvesturkjördæmi fyrir komandi þingkosningar. Upphaflega stóð til að kjósa í fjögur efstu sætin en hætt var við það eftir að auglýst var eftir framboðum. Sú skýring var gefin að kostnaður við prófkjörsbaráttuna væri það mikill að ráðlegt væri að kjósa um færri sæti en ella. 

Brynjólfur Þór Guðmundsson
Fréttastofa RÚV