Flórída - Bergþóra Snæbjörnsdóttir

Mynd: Benedikt / Benedikt

Flórída - Bergþóra Snæbjörnsdóttir

15.02.2018 - 16:22

Höfundar

Ljóðabókin Flórída eftir Bergþóru Snæbjörnsdóttur er bók vikunnar á Rás1.

Flórída var tilnefnd til Fjöruverðlaunanna og Íslensku bókmenntaverðlaunanna, en áður hefur Bergþóra aðeins gefið út tvær bækur, ljóðabókina Daloon dagar árið 2011 og ljóða- og myndlistarbókina Dagar undrabarnsins eru á enda árið 2013 ásamt Rakel McMahon myndlistarkonu. Flórída er skilgreind sem ljóðabók og hefur líka verið kölluð söguljóð því í henni mynda smáprósar eða prósaljóð samhangandi frásögn af tveimur konum sem hittast í Berlín, fyrrverandi pönksöngkonunni Flórída og ungri íslenskri konu sem er að lokast inni í þráhyggju í kjölfar erfiðrar lífsreynslu. Í bókinni má sjá ýmis þemu, til dæmis óhugnanlegt samhengi lífs og hrörnunar, frjósemi og dauða, og þar er líkaminn í brennidepli, oft sem hrátt og ógeðfellt efni, enda hefur Gauti Kristmannsson, gagnrýnandi Víðsjár, sem verður annar viðmælenda í þættinum á sunnudag, sagt ljóðin sveiflast milli fegurðar og viðbjóðs.

Umsjónarmaður þáttarins sunnudaginn 18.febrúar er Auður Aðalsteinsdóttir og viðmælendur eru Gauti Kristmannsson og Sigurbjörg Þrastardóttir.

Tengdar fréttir

Bókmenntir

Ljóð sem sveiflast milli fegurðar og viðbjóðs

Bókmenntir

„Hún er afkvæmi míns vanskapaða huga“

Bókmenntir

„Persónuleg í sjötta veldi“

Bókmenntir

„Nú á ég bleika Crocs-skó“