Athugið þessi frétt er meira en 5 ára gömul.

Ferskir vindar hlutu Eyrarrósina

Mynd með færslu
Mireya Samper, listrænn stjórnandi Ferskra vinda Mynd: Hjalti Stefánsson - RÚV

Ferskir vindar hlutu Eyrarrósina

01.03.2018 - 15:25

Höfundar

Alþjóðlega listahátíðin Ferskir vindar hlaut Eyrarrósina í dag, viðurkenningu fyrir framúrskarandi menningarverkefni á landsbyggðinni.

33 umsóknir bárust og voru sex verkefni tilnefnd. Viðurkenningin var veitt við hátíðlega athöfn í í Egilsbúð í Neskaupstað, heimabæ þungarokkshátíðarinnar Eistnaflugs sem hlaut Eyrarrósina í fyrra. Eliza Reid, forsetafrú og verndari Eyrarrósarinnar, afhenti verðlaunin. Hátíðin Ferskir vindar hefur verið haldin fimm sinnum í sveitarfélaginu Garði, nú síðast í janúar þegar 42 listamenn af 21 þjóðerni tóku þátt. 

Forsvarsmenn Ferskra vinda fá tvær milljónir króna í verðlaunafé. Kvikmyndahátíðin Skjaldborg á Patreksfirði og listahátíðin Rúllandi snjóbolti á Djúapavogi, sem voru einnig tilnefnd, og hljóta hvort um sig 500.000 krónur í peningaverðlaun. 

Markmið Eyrarrósarinnar er að hvetja til fjölbreytni, nýsköpunar og uppbyggingar á sviði menningar og lista á starfssvæði Byggðastofnunar. Viðurkenningin hefur verið veitt frá árinu 2005. Byggðastofnun, Air Iceland Connect og Listahátíð í Reykjavík standa í sameiningu að Eyrarrósinni. 

Tengdar fréttir

Tónlist

Sex verkefni tilnefnd til Eyrarrósarinnar

Menningarefni

Ferskir vindar í Garði í fimmta sinn