Eyja- og Miklaholtshreppur

14.05.2014 - 18:27
Mynd með færslu
 Mynd:
Í Eyja- og Miklaholtshreppi bjuggu 148 þann 1. janúar 2014. Sveitarfélagið er í 65. sæti yfir fjölmennustu sveitarfélög landsins. Þar bjóða tveir listar fram í komandi sveitarstjórnarkosningum, Sveitin og Betri byggð.

Í síðustu kosningum var óhlutbundin kosning. Þá eru persónukosningar þar sem kosning er ekki bundin við framboð. Allir kjósendur eru í kjöri nema þeir sem eru löglega undanþegnir skyldu til að taka kjöri eða hafa fyrirfram skorast undan því. Alls voru 97 á kjörskrá, atkvæði greiddu 90. Oddviti hreppsnefndar er Guðbjartur Gunnarsson.

Í Eyja- og Miklaholtshrepp er innheimt 14,48 % útsvar. Skatttekjur á hvern íbúa árið 2012 námu 854.791 krónum, þegar framlag Jöfnunarsjóðs sveitarfélaga er talið með, sem er vel yfir landsmeðaltali. Gert er ráð fyrir að sveitarfélagið fái rúmlega 30 milljón króna í framlög frá Jöfnunarsjóði sveitarfélaga á þessu ári. Skuldir sveitarfélagsins í árslok 2012 námu 18,2 % af árstekjum. Samkvæmt samantekt Íslandsbanka frá því í febrúar 2013 var Eyja- og Miklaholtshreppur eitt þeirra þeirra sveitarfélaga sem skuldar lítið en rekstur stendur samt ekki undir skuldsetningu að öllu jöfnu, miðað við gefnar forsendur. Þær upplýsingar voru unnar úr ársreikningum sveitarfélaganna fyrir árið 2011.

Síðast:
Þessi þáttur er í hlaðvarpi