Um mitt síðasta ár námu eignir sjóða Eaton Vance hér á landi yfir 70 milljörðum króna og áttu þeir hlut í 15 af 18 skráðum félögum á íslenska hlutabréfamarkaðnum. „Mjög umfangsmiklir fjárfestar sem hafa síðan verið að selja,“ sagði Þórður Snær Júlíusson og tengir minnkandi umsvif erlendu sjóðanna við þá stefnu stjórnvalda að losa um aflandskrónur í lokakafla endurskipulagningar fjármálakerfisins íslenska.
Athugið þessi frétt er meira en 4 ára gömul.
Erlendir fjárfestar búa sig til brottfarar
Mynd: /
„Erlendir fjárfestar hafa verið að selja eignir hér og skipta krónum í aðra gjaldmiðla. Það varð til þess að Seðlabankinn greip inn í fjóra viðskiptadaga í röð í janúar,“ sagði Þórður Snær Júlíusson, ritstjóri Kjarnans, á Morgunvaktinni. Hann verður fastur viðmælandi um efnahagslíf og samfélag á Morgunvaktinni á Rás 1 hvern þriðjudag. Hann lýsti miklum umsvifum bandaríska sjóðsstýringarfyrirtækisins Eaton Vance hér á landi, en það hefur keypt hér skulda- og hlutabréf og hagnast af vaxtamun.
