Mynd: RÚV
Athugið þessi frétt er meira en 6 ára gömul.
Eldur í þaki Kaffibrennslunnar
Slökkviliðið á Akureyri var kallað að Kaffibrennslunni við Tryggvagötu á Akureyri nú á áttunda tímanum. Í það minnsta þrír slökkviliðsbílar eru við húsið nú og eru reykkafarar að brjótast inn um þakið. Eldurinn virðist staðbundinn við þakið og hefur hvergi komist niður í rými hússins.
Uppfært kl. 20.00.
Búið er að slökkva eldinn. Slökkviliðsmenn segja líklegt að framkvæmdir við þakið sé ástæða þess að eldurinn kviknaði.
