Athugið þessi frétt er meira en 7 ára gömul.

Ekki merki um eldgos enn í Bárðarbungu

17.08.2014 - 11:59
Mynd með færslu
 Mynd:
Engin merki sjást enn um að gos sé hafið í Bárðarbungu. Vísindamenn funduðu með almannavörnum í morgun. Að sögn þeirra er ekki hægt að útiloka að atburðarrásin sem nú er í gangi leiði til eldgoss utan jökuls eða undir honum.

Gos undir jökli geta leitt til flóða i ám sem renna frá honum.  Vísindamenn og Almannavarnir fylgjast vel með ástandinu og óvissustig er enn í gildi.

Jarðskjálftahrinan í Bárðarbungu á Vatnajökli sem hófst uppúr kl. 3 í gærmorgun heldur áfram. Virknin hefur færst til og er nú í tveimur þyrpingum, norðan og austan við Bárðarbungu. Vísindamenn telja að virknin orsakist af innskotavirkni kviku í jarðskorpunni.