Athugið þessi frétt er meira en 7 ára gömul.

Eitt sveitarfélag af sjö búið að svara

Mynd með færslu
 Mynd:
Af sjö sveitarfélögum á starfssvæði Einingar-Iðju stéttarfélags hefur aðeins eitt svarað fyrirspurn um hvort og hvaða breytingar séu ráðgerðar á gjaldskrám.

Dalvíkurbyggð ákvað, í framhaldi af fyrirspurninni, að endurskoða fyrirhugaðar gjaldskrárhækkanir, svo sporna mætti við verðbólgu og auka kaupmátt í komandi kjarasamningum. Fjallabyggð, Akureyrarbær, Eyjafjarðarsveit, Grenivík, Hörgárbyggð og Svalbarðsströnd hafa ekki svarað fyrirspurninni.

Anna Júlíusdóttir varaformaður Einingar-Iðju segir beiðnina hafa verið senda í byrjun mánaðarins - ítrekun verði send til sveitarfélaganna fyrir helgi.