Athugið þessi frétt er meira en 3 ára gömul.

Eftirlætis íslensk tónverk landans

Mynd með færslu
 Mynd: Sinfóníuhljómsveit Íslands - Sinfonia.is

Eftirlætis íslensk tónverk landans

27.08.2018 - 16:31

Höfundar

Nú liggur fyrir hvaða verk verða leikin í Hörpu á föstudag þegar boðið verður í þriðja sinn til klassískrar tónlistarveislu undir titlinum Klassíkin okkar. Í þetta sinn gafst almenningi færi á að velja uppáhalds íslensku tónsmíðina sína af tilefni 100 ára fullveldisafmælis. Viðburðurinn verður í beinni útsendingu á RÚV og á Rás 1.

Sinfóníuhljómsveit Íslands og RÚV tóku saman höndum og gáfu landsmönnum kost á að ráða efnisskránni á fyrstu tónleikum hljómsveitarinnar á nýju starfsári. Hljómsveitarstjóri er Daníel Bjarnason og kynnar kvöldsins eru Guðni Tómasson og Halla Oddný Magnúsdóttir.

Útsending hefst kl. 20.00.

Á efnisskránni eru eftirtalin verk: 

Sigfús Einarsson Draumalandið
Karl O. Runólfsson Í fjarlægð
Sigvaldi Kaldalóns Ave Maria
Páll Ísólfsson Í dag skein sól
Jón Leifs Íslenskur rímnadans op. 11 nr. 4
Jón Nordal Hvert örstutt spor
Jórunn Viðar Vökuró
Magnús Blöndal Jóhannsson Sveitin milli sanda
Atli Heimir Sveinsson Snert hörpu mína
Sigurður Þórðarson Sjá, dagar koma
Páll Ísólfsson Brennið þið, vitar
Þorkell Sigurbjörnsson Heyr himna smiður
Jón Ásgeirsson Hjá lygnri móðu
Jón Nordal Smávinir fagrir
Atli Heimir Intermezzo úr Dimmalimm
Hildigunnur Rúnarsdóttir Sanctus úr Guðbrandsmessu
Þorkell Sigurbjörnsson Siciliano úr Columbine
Daníel Bjarnason Bow to String, 3. kafli
Jórunn Viðar Eldur
Páll Ísólfsson Úr útsæ rísa íslands fjöll

Einleikarar eru Emilía Rós Sigfúsdóttir og Sæunn Þorsteinsdóttir.
Þá kemur fram einvalalið einsöngvara, þau Hallveig Rúnarsdóttir, Hildigunnur Einarsdóttir, Sveinn Dúa Hjörleifsson og Þóra Einarsdóttir.

Fimm kórar koma fram þetta kvöld, en það eru Gradualekór Langholtskirkju,  Hamrahlíðarkórinn. Karlakórinn Fóstbræður, Skólakór Kársness og Söngsveitin Fílharmónía.

Tengdar fréttir

Klassísk tónlist

Hvert er besta íslenska tónverkið?

Klassísk tónlist

Hver er uppáhalds íslenska tónsmíðin þín?

Kvikmyndir

Fangar með flestar tilnefningar til Eddunnar

Klassísk tónlist

Klassíkin okkar: La Traviata