Döðlur innkallaðar vegna skordýra

12.02.2019 - 11:43
Innlent · Matur
Mynd með færslu
 Mynd:
Sólgæti döðlur hafa verið innkallaðar vegna þess að skordýr hafa fundist í vörunni. Þetta kemur fram í fréttatilkynningu frá Heilbrigðiseftirliti Reykjavíkur. Viðskiptavinum, sem hafa keypt döðlurnar, er bent á að neyta þeirra ekki og farga eða skila þeim í þeirri verslun þar sem þær voru keyptar.

Eftirfarandi upplýsingar auðkenna döðlurnar sem innköllunin einskorðast við:

Vörumerki: Sólgæti.
Vöruheiti: Döðlur.
Strikanúmer: 5024425287810.
Nettómagn: 500 g.
Best fyrir: 15.08.2019.
Lotunúmer: 7227.
Framleiðsluland: Bretland.
Innflytjandi: Heilsa ehf., Bæjarflöt 1-3, 112 Reykjavík.
Dreifing: Verslanir Nettó, Kjörbúðin Blönduósi, Seljakjör, verslanir Heilsuhússins, Fjarðarkaup, Melabúðin, Verslun Einars Ólafssonar og Pétursbúð.

dagnyhe's picture
Dagný Hulda Erlendsdóttir