Athugið þessi frétt er meira en 5 ára gömul.

Bryan Ferry á línunni

Mynd með færslu
 Mynd: Sigurður Ól. Bragason - Rás 2

Bryan Ferry á línunni

14.05.2016 - 09:33

Höfundar

Bryan Ferry er maður dagsins, hann er í aðalhlutverki í Rokklandi vikunnar, en Hann heldur tónleika í Eldborg í Hörpu á mánudaginn.

Ferry er að koma til Íslands í annað sinn, var hér í fyrsta sinn fyrir fjórum árum og spilaði þá tvo daga í röð í troðfullri Eldborginni. Ég náði í hann í síma um daginn og við ræddum meðal annars um forseta Íslands sem hann heimsótti á Bessastaði 2012. Við töluðum um nýju plötuna hans, 15.  stúdíóplötuna sem heitir Avonmore, um Bob Dylan sem Ferry hefur verið að syngja lög eftir í rúm 40 ár, hljómsveitina Roxy Music, jazz og margt fleira.

Þáttur vikunnar er næstum allur tileinkaður Bryan Ferry, en hljómsveitin Stone Roses kemur lítillega við sögu. Stone Roses sendi frá sér í vikunni sitt fyrsta nýja lag í 20 ár.

Umsjón: Ólafur Páll Gunnarsson
[email protected]

Rokkland minnir svo á Hlaðvarpið þar sem nálgast má eldri þætti – langt aftur í tímann, hlaða þeim í tól sín og tæki og hlusta jafnvel aftur og aftur.

Tengdar fréttir

Popptónlist

Allar þessar mæður

Popptónlist

Límonaði drottningar

Popptónlist

Prince

Popptónlist

Buckley - Frehley - Simpson og Pollock