Athugið þessi frétt er meira en 10 ára gömul.

Braust út úr fangelsi og stal fánum

01.08.2012 - 12:21
Mynd með færslu
 Mynd:
Fangi á Litla Hrauni klifraði í gær yfir fangelsisgirðinguna, fór að heimilum tveggja fangavarða og stal eða tók niður tvo fána, danska fánann og íslenskan.

Til mannsins sást þegar hann fór yfir girðinguna og var hann gripinn í þann mund sem hann tók fánana niður. Samkvæmt heimildum fréttastofu er fanginn utangarðsmaður og óvíst hvort fangelsi sé réttur staður fyrir hann. Auk þessa fanga eru nú á Litla Hrauni nokkrir aðrir fangar, sem flokkast, eða ættu að vera flokkaðir, sem andlega vanheilir og hafa verið fluttir í fangelsið af geðsjúkrahúsum. Þeir hafa samkvæmt heimildum fréttastofu, ýmist verið úrskurðaðir sakhæfir eða ósakhæfir í réttarkerfinu, og hafa sumir verið árum saman á geðdeild.