Athugið þessi frétt er meira en 7 ára gömul.

Borgarfjarðarhreppur

14.05.2014 - 18:11
Mynd með færslu
 Mynd:
Í Borgarfjarðarhreppi bjuggu 134 þann 1. janúar 2014. Sveitarfélagið er í 66. sæti yfir fjölmennustu sveitarfélög landsins. Þar verður óhlutbundin kosning í komandi sveitarstjórnarkosningum.

Í síðustu kosningum var einnig óhlutbundin kosning. Þá eru persónukosningar þar sem kosning er ekki bundin við framboð. Allir kjósendur eru í kjöri nema þeir sem eru löglega undanþegnir skyldu til að taka kjöri eða hafa fyrirfram skorast undan því. Alls voru 106 á kjörskrá, atkvæði greiddu 71. Oddviti hreppsnefndar er Jakob Sigurðsson.

Í Borgarfjarðarhreppi er innheimt hámarksútsvar. Skatttekjur á hvern íbúa árið 2012 námu 657.254 krónum, þegar framlag Jöfnunarsjóðs sveitarfélaga er talið með, sem er nokkuð yfir landsmeðaltali. Gert er ráð fyrir að sveitarfélagið fái rétt rúmar 44 milljón króna í framlög frá Jöfnunarsjóði sveitarfélaga á þessu ári. Skuldir sveitarfélagsins í árslok 2012 námu 76 % af árstekjum. Samkvæmt samantekt Íslandsbanka frá því í febrúar 2013 var Borgarfjarðarhreppur eitt þeirra sveitarfélaga sem skuldar lítið og stendur rekstur vel undir núverandi skuldsetningu, miðað við gefnar forsendur. Þær upplýsingar voru unnar úr ársreikningum sveitarfélaganna fyrir árið 2011.