Athugið þessi frétt er meira en 5 ára gömul.

Bjarni sleit viðræðunum

15.11.2016 - 15:03
Mynd með færslu
 Mynd: RÚV
Bjarni Benediktsson hefur stöðvað stjórnarmyndunarviðræður við Viðreisn og Bjarta framtíð. Þetta kemur fram í tilkynningu frá flokknum. Samkvæmt heimildum fréttastofu náðist ekki saman um sjávarútvegsmál.

Í tilkynningu frá Sjálfstæðisflokknum segir að Bjarni Benediktsson hafi stöðvað viðræður flokkanna. Fundir þeirra hafi leitt í ljós samhljóm um ýmis mál, en áherslumun um útfærslu annarra, enda stefna flokkanna ólík á ýmsum sviðum.  Í tilkynningunni er haft eftir Bjarna: 

,,Ég tel að samtöl undanfarinna daga hafi leitt í ljós að það væri afar óvarlegt að leggja af stað með þann málefnagrunn sem um er rætt og nauman meirihluta inn í kjörtímabilið. Margt segir mér að aðstæður kalli á  ríkisstjórn með breiðari skírskotun og sterkari meirihluta en þann sem þessir þrír flokkar geta boðið.  Ég útiloka ekkert fyrirfram í þeim efnum,” segir Bjarni.

 

ragnhildurth's picture
Ragnhildur Thorlacius
Fréttastofa RÚV