Athugið þessi frétt er meira en 11 ára gömul.

Bendir til aukinnar jarðhitavirkni

23.09.2011 - 12:22

Skjálftar í Mýrdalsjökli í morgun og brennisteinslykt af Múlakvísl gætu bent til aukinnar jarðhitavirkni í Kötluöskju, segir Matthew Roberts, jarðeðlisfræðingur á Veðurstofu Íslands. Grunnur skjálfti sem mældist 2,7 að stærð, varð norður af Goðabungu rétt fyrir kl. 7 í morgun, og annar álíka stór varð á þessum slóðum á miðvikudag.

Roberts segir að nú standi yfir skeið aukinnar virkni í Kötluöskju, svipað því sem varð á árunum 2002 til 2004. Engar vísbendingar séu þó um að Kötlugos sé í vændum. Roberts bendir hins vegar á að Múlakvísl sé viðkvæm fyrir aukinni virkni undir jöklinum og lítil hlaup geti komið í ána með litlum fyrirvara.