Athugið þessi frétt er meira en 7 ára gömul.

„Alls óvíst að ég sé skrýtnastur hér“

03.02.2015 - 13:59
Mynd með færslu
 Mynd:
Mynd:  / 
Sigurður Örn Ágústsson, varaþingmaður Sjálfstæðisflokksins, upplýsti í ræðustól Alþingis undir liðnum „störf þingsins“ að hann væri greindur einhverfur og væri sennilega sá fyrsti sem væri með slíka greiningu. Hann sagði þó alls óvíst að hann væri allra skrýtnastur í þingsalnum.

Sigurður Örn ræddi mikilvægi greiningarstöðvar ríkisins við upphaf þingfundar á Alþingi. Hann sagði biðlista of langa þar sem snemmtæk íhlutun hafi lengi sannað gildi sitt. Það hefði áhrif á lífsgæði barna og fjölskyldna þeirra.

Sigurður hvatti félagsmálaráðherra til að gera betur og sagði frá því um leið að hann væri sjálfur greindur einhverfur og væri sennilega fyrsti einhverfi alþingismaðurinn nú um þessar mundir. „Ekki er nokkur vafi á því að bæði í fortíð og nútíð hafi starfað hér á þingi fólk með allskonar raskanir.  Og mér sýnist á öllu að það sé alls óvíst að ég sé allra skrýtnastur hér.“

Sigurður er varaþingmaður Haraldar Benediktssonar og ræða sem hann flutti í síðustu viku vakti nokkra athygli. Þar sagði hann að hugsa þyrfti starfsumhverfi þingmanna og kjör þeirra upp á nýtt .

[email protected]/[email protected]