Athugið þessi frétt er meira en 7 ára gömul.

Allir flóttamenn verði sjúkratryggðir

18.09.2014 - 18:48
Mynd með færslu
 Mynd:
Allir sem hafa stöðu flóttamanns hér á landi verða sjúkratryggðir nái frumvarp heilbirgðisráðherra fram að ganga. Hingað til hafa aðeins þeir flóttamenn verið sjúkratryggðir sem koma hingað til lands í boði stjórnvalda.

Kristján Þór Júlíusson heilbrigðisráðherra vill að einnig þeir flóttamenn, sem koma hingað á eigin vegum og fá stöðu flóttamanns að lokinni hælismeðferð, verði sjúkratryggðir strax og til Íslands er komið. Fram til þess hafa þeir þurft að bíða þess í hálft ár að verða sjúkratryggðir hér á landi. Frumvarp um breytinguna verður kynnt ríkisstjórn á þriðjudag. 

[email protected]