Athugið þessi frétt er meira en 9 ára gömul.

ADHD þarf að greina snemma

31.10.2013 - 19:50
Mynd með færslu
 Mynd:
Ef ofvirkni og athyglisbrestur greinist ekki ogh er ekki meðhöndlað margfaldast hætta á námsörðugleikum, þunglyndi og kvíða og börnum og unglingum og líkur aukast á að þau verði vímuefnum að bráð og lendi upp á kant við samfélagið.

Frá forvarnasjónarmiði skiptir gríðarlegu máli að athyglisbrestur og ofvirkni, ADHD, greinist og meðhöndlist snemma og rétt. Gerist það ekki getur það valdið þeim sem þjást af þessari taugaröskun miklum vanda á fullorðinsárum. Margir fullorðnir líða fyrir ADHD sem ekki hefur verið greint eða meðhöndlað. Fjölþjóðleg ráðstefna um ADHD var haldin í Reykjavík um helgina, þar sem farið var yfir sviðið og það nýjasta sem rannsóknir hafa leitt í ljós. Halldóra Ólafsdóttir yfirlæknir á göngudeild og bráðamóttöku geðdeildar Landspítala Háskólasjúkrahúss sat ráðtefnuna. Hún segir í viðtali við Spegilinn að meðferð verði því erfiðari og flóknari eftir því sem meðferðaþeginn er eldri þegar meðferð hefst. Ómeðhöndlað ADHD getur leitt til margskonar geðrænna örðugleika og skertra lífsgæða eftir því sem á ævina líður.