Athugið þessi frétt er meira en 1 mánaða gömul.

Demo – Neistar

Mynd: Demo / Neistar

Demo – Neistar

05.07.2022 - 14:04

Höfundar

Hljómsveitin Demo kemur úr Reykjanesbæ hefur sent frá sér þröngskífuna Neistar sem er að sögn þeirra slysakonseptplata um að hætta saman. Sveitin, sem segist spila ostapopp, hefur spilað saman í þrjú ár. Meðlimir kynnstust í gegnum starf sitt í tónlistarskóla bæjarins.

Demó er skipuð Magnúsi Má Newman á trommur, Alexander Fryderyk Grybos sem syngur og spilar á gítar, Jakob Piotr Grybos píanóleikara, Guðjóni Steini Skúlasyni á bassa og Sigurði Baldvin Ólafssyni á gítar. Þeir þakka tilurð plötu sinnar Tónlistarskóla Reykjanesbæjar sem hafi styrkt þá með æfingahúsnæði og hjálp við upptökur. Annars er platan tekin upp að mestu leyti í stúdíói í Mosfellsbæ með Arnari Sigurðssyni og hljóðblönduð í tónlistarskólanum.

Plata Demo, Neistar, er plata vikunnar á Rás 2. Hún er aðgengileg á vef ásamt kynningum meðlima á sjálfum sér og tilurð laga plötunnar.