Írakar sækja flóttafólk að landamærum Evrópusambandsins

26.11.2021 - 02:09
epa09602408 A handout photo made available by BelTA shows a man leaving a tent after receiving hot meal provided by Belarusian servicemen outside the transport and logistics center near the Bruzgi checkpoint at the Belarusian-Polish border, in the Grodno region, Belarus, 25 November 2021. Asylum-seekers, refugees and migrants from the Middle East arrived at the Belarusian-Polish checkpoint of Bruzgi-Kuznica aiming to cross the border. Thousands of people who want to obtain asylum in the European Union have been trapped at low temperatures at the border since 08 November.  EPA-EFE/LEONID SCHEGLOV / BelTA  / HANDOUT MANDATORY CREDIT HANDOUT EDITORIAL USE ONLY/NO SALES HANDOUT EDITORIAL USE ONLY/NO SALES
 Mynd: EPA-EFE - BelTA
Stjórnvöld í Írak senda tvær flugvélar til að sækja flóttamenn sem eru í sjálfheldu á landamærum Hvíta Rússlands og Póllands. Önnur hefur þegar lent í Írak með nokkurn fjölda innanborðs. Þetta kemur fram í sameiginlegri tilkynningu samgöngu- og utanríkisráðherra Íraks.

Ætlun Íraka er að flytja 617 flóttamenn til Íraks en fyrri flugvélin lenti í Arbil höfuðstað Kúrda í landinu skömmu eftir miðnættið.  Þúsundir flótta- og förufólks, flest Kúrdar frá Írak, hefur reynt að komast til Evrópusambandsríkja síðan í ágúst í gegnum Hvíta-Rússland.

Yfirvöld í nágrannaríkjunum, Póllandi, Litháen og Lettlandi, hafa sakað Hvítrússa um að lofa fólkinu auðvelda leið til sambandsins en hrekja það síðan að landamærunum þar sem það býr við mjög erfiðar aðstæður.

Mannréttindasamtökin Mannréttindavaktin gagnrýna framgöngu Pólverja og Hvítrússa í málinu harðlega og segja í nýrri skýrslu að mannréttindi séu brotin á flóttafólkinu.