Íslenska kvennalandsiðið mætir Japan í dag

Mynd með færslu
 Mynd: Mummi Lú

Íslenska kvennalandsiðið mætir Japan í dag

25.11.2021 - 09:14
Íslenska kvennalandsliðið í fótbolta mætir Japan í vináttulandsleik í dag. Leikurinn fer fram í Hollandi en áhugasamir geta séð leikinn á streymi KSÍ.

Liðin mætast á Yanmar Stadium í Almere í Hollandi og hefst leikurinn klukkan 18:40 að íslenskum tíma. Honum verður streymt á Mycujoo síðu KSÍ.

Íslenska liðið mætti til Almere á þriðjudag og tók létta æfingu við komu á svæðið. Þetta verður í fjórða sinn sem íslenska kvennalandsliðið mætir Japan en Japan hefur unnið allar þrjár viðureignirnar til þessa. Leikirnir þrír hafa allir verið á Algarve Cup, árin 2015, 2017 og 2018. 

Á föstudag ferðast liðið svo til Kýpur þar sem það mætir Kýpverjum á þriðjudag í undankeppni HM en sá leikur verður sýndur beint á RÚV.