Eiður Smári hættur sem aðstoðarlandsliðsþjálfari

Mynd með færslu
 Mynd: RÚV

Eiður Smári hættur sem aðstoðarlandsliðsþjálfari

23.11.2021 - 23:50
Eiður Smári Guðjohnsen og KSÍ hafa komist að samkomulagi um starfslok hans sem aðstoðarþjálfari A-landsliðs karla í fótbolta. Hann lætur af störfum um mánaðamótin.

Þetta kemur fram í tilkynningu frá KSÍ nú í kvöld. Endurskoðunarákvæði í samningi Eiðs var virkjað og því lætur hann af störfum þann 1. desember. Eiður Smári, sem lék á sínum tíma 88 A-landsleiki og skoraði í þeim 26 mörk, hefur verið í þjálfarateymi liðsins frá desember 2020 og starfað með því í öllum leikjum ársins 2021 – þremur vináttuleikjum og 10 leikjum í undankeppni HM 2022. 

„Samkomulag um starfslok mín voru tekin með hagsmuni mína, landsliðsins og KSÍ að leiðarljósi. Ég vil þakka öllum innan sambandsins fyrir frábært samstarf undanfarið ár. Síðasta ár hefur verið mjög krefjandi bæði innan vallar sem og utan bæði fyrir mig persónulega sem og sambandið.  Áfram Ísland!“ segir Eiður í tilkynningunni. Hann var ráðinn aðstoðarmaður Arnars Þórs Viðarssonar þegar hann tók við liðinu fyrir tæpu ári síðan. 

Tengdar fréttir

Fótbolti

Eiður Smári: Ekkert verið að senda neinum nein skilaboð

Fótbolti

Eiður Smári orðaður við þjálfarastarf í Bretlandi