Athugið þessi frétt er meira en 1 mánaða gömul.

Hitaveita fyrir milljónir í Kína í samstarfi við Ísland

27.10.2021 - 19:27
epa06705968 (02/20) Ethnic Uighur school children walk home from school in Turpan, Xinjiang Uighur Autonomous Province, China, 17 November 2017. Uighurs, a Muslim ethnic minority group in China, make up about 40 percent of the 21.8 million people in Xinjiang, a vast, ethnically divided region that borders Pakistan, Afghanistan, Kazakhstan, Kyrgyzstan and Mongolia. Xinjiang has long been subjected to separatists unrests and violent terrorist attacks blamed by authorities on Islamist extremism while human rights groups say Chinese repression on religious rights, culture and freedom of movement caused undue tensions. Life however goes on under the watchful eye of the government for the ethnic Uighurs living in the city of Urumqi and surrounding areas.  EPA-EFE/HOW HWEE YOUNG  ATTENTION: For the full PHOTO ESSAY text please see Advisory Notice epa06705966
 Mynd: EPA
Um  tvær komma tvær  milljónir Kínverja hafa nú hitaveitu í híbýlum sínum sem orðið hefur að veruleika fyrir samvinnu Íslendinga og Kínverja. Samstarf þjóðanna hefur leitt til þess að hitaveita hefur hafið innreið sína í Kína af fullum krafti.

Kínverjar hafa nú hitaveitu sem er fimm til sex sinnum stærri en Orkuveita Reykjavíkur . Samstarf við Íslendinga hefur leitt til þessa að sögn tækniráðgjafa Arctic Green Energy sem starfar í Kína með heimamönnum. Breytingin hefur orðið á um sextán árum.

Um  2,2 milljónir Kínverja hafa nú hitaveitu í híbýlum sínum sem orðið hefur að veruleika fyrir samvinnu Íslendinga og Kínverja. Samstarf þjóðanna hefur leitt til þess að hitaveita hefur hafið innreið sína í Kína af fullum krafti.

Koltvísýringslosunin sem sparast með tilstilli jarðvarmahitunar húsa í Kína er  3,5 milljónir tonna að sögn Páls Valdimarssonar tækniráðgjafa Arctic green Energy.

Hann segir jarðhitanotkun í Kína eiga sér langa og skemmtilega sögu Upphafið megi rekja til 2005 þegar fyrirtækið Enex tengdi tvær skólabyggingar í Síal í  Kína við borholur. Sameignarfyrirtæki varð til utan um hitaveituverkefnið í Eigu Enex og Zenopec risaríkisolíufyrirtækis í Kína. Hrunið gerði skráveifu og eftir þann umbrotatíma eignuðust íslenskir fjárfestar hehlut í verkefninu og heitir fyrirtækið sem vinnur með Kínverjum, Arctic green Energy.

Páll segir kínversku hitaveituna orðna umfangsmikla.
„Þetta er orðið stórt og þá er ég að segja það búa margir í Kína. Og svona hlutir verða stórir. Í dag eru hitaðar 60 milljónir fermetra í jarðhitaverkefnum og á vegum Arctic Green og á þessum 60 milljónum fermetrum húsnæðis búa 2,2 milljónir íbúa."

Íslendingar hafi gert sér grein fyrir að unnt væri að leggja hitaveitu á einfaldan máta í Kína.
„Út úr þessu hefur þróast hitunartækni í húsunum með því að nota gólfhita og  nota einfaldar lausnir sem gerir það að verkum að húsin þurfa bara 52 til 55 gráður celsíus hita á vatnið. Þannig að við erum að keyra þetta á miklu lægra hitastigi en við gerum."

Þetta gerir það að verkum að unnt er að nýta tiltölulega lítinn jarðhita með góðum árangri. Páll segir Kínverja hafa þróað þessa aðferð áfram með góðum árangri. Verkefnið muni halda áfram að vaxa.
  
„Þeir eru að tala um kolefnislaust Kína árið 2060. Þeir eru að meina það og þeir munu gera það." 
 

 

Ólöf Rún Skúladóttir