Samtal um geðheilbrigði á stóra sviði Þjóðleikhússins

Mynd með færslu
 Mynd: Þjóðleikhúsið

Samtal um geðheilbrigði á stóra sviði Þjóðleikhússins

20.09.2021 - 11:24

Höfundar

Þjóðleikhúsið í samstarfi við Geðhjálp, Hlutverkasetur, Geðlæknafélag Íslands og heilbrigðisráðuneytið stendur fyrir samtali um geðheilbrigði í tengslum við leiksýninguna Vertu úlfur.

Leiksýningin Vertu úlfur var frumsýnd í byrjun þessa árs og hefur notið töluverðra vinsælda. Hún hlaut alls sjö Grímuverðlaun  á liðnu vori, meðal annars sem leiksýning ársins. 

Umfjöllun sýningarinnar um geðheilbrigðismál hefur vakið athygli. Af því tilefni fer fram málþing á stóra sviði Þjóðleikhússins, mánudagskvöldið 20. september klukkan 20. 

Málþingið verður sýnt í beinni útsendingu á RÚV 2 og á RÚV.is. Einnig er hægt að panta miða á leikhusid.is til að tryggja sér sæti, aðgangur er ókeypis.

Málþingið fer fram í samstarfi Þjóðleikhússins við Geðhjálp, Hlutverkasetur, Geðlæknafélag Íslands og heilbrigðisráðuneytið. Yfirskrift samtalsins er „(V)ertu úlfur? – listin að sjá hið sammannlega, samtal um geðheilbrigði utan hringsins“. 

Svandís Svavarsdóttir heilbrigðisráðherra ávarpar samkomuna. Meðal þeirra sem taka þátt eru Unnur Ösp Stefánsdóttir leikstjóri, Björn Thors leikari, Karl Reynir Einarsson, formaður Geðlæknafélags Íslands og yfirlæknir geðheilsusviðs á Reykjalundi, Elín Atim klæðskeri, Björn Hjálmarsson, sérfræðilæknir á barna- og unglingageðdeild Landspítalans (BUGL) og Héðinn Unnsteinsson, formaður Geðhjálpar og höfundur bókarinnar Vertu úlfur. Steinunn Ólína Þorsteinsdóttir leikkona verður fundarstjóri. Einnig kemur fram listafólk úr leikhópnum Húmor og listasmiðju Hlutverkaseturs í umsjón Önnu Henriksdóttur.

 

Tengdar fréttir

Tónlist

„Maður á ekki að vera hræddur við geðveikina“

Leiklist

Vertu úlfur átti sviðið á Grímuverðlaunahátíðinni

Menningarefni

„Allir byrjuðu að baula og öskra í salnum“

Menningarefni

Metnaðarfull sýning sem heppnast ágætlega