Athugið þessi frétt er meira en 1 mánaða gömul.

Hunsar allar ásakanir um aðild að forsetamorði

In this handout photo released by Haiti's Secretary of State for Communication, Haiti's first lady Martine Moise, wearing a bullet proof vest and her right arm in a sling, arrives at the Toussaint Louverture International Airport, in Port-au-Prince, Haiti, Saturday, July 17, 2021.  Martine Moise, the wife of assassinated President Jovenel Moise, who was injured in the July 7 attack at their private home, returned to the Caribbean nation on Saturday following her release from a Miami hospital. (Haiti's Secretary of State for Communication Photo/via AP)
 Mynd: AP
Ariel Henry, forsætisráðherra Karíbahafsríkisins Haítí hunsar allar þær grunsemdir sem beinast að honum vegna morðsins á Jovenel Moise forseta landsins 7. júlí síðastliðinn. Hann rak saksóknara sem fór fram á að hann yrði ákærður í málinu.

Henry segir ásakanirnar vera hávaða skapaðan í pólítískum tilgangi. Moise forseti tilnefndi Henry sem forsætisráðherra tveimur dögum fyrir morðið. Á fimmta tug hefur verið handtekinn en ekki er enn vitað hver stóð að baki morðinu.

Síðastliðinn þriðjudag fóru starfsmenn ríkissaksóknara fram á það við dómara málsins að Henry yrði ákærður. Það er vegna tveggja símtala hans við einn hinna grunuðu, Joseph Felix Badio opinberan embættismann, nokkrum stundum fyrir morðið.

Rakning leiddi í ljós að Badio var nærri forsetabústaðnum þegar Henry hringdi í hann snemma morguns 7. júlí. Forsætisráðherrann segir enga leið fyrir sig að muna hverja hann hefur talað við í síma eða um hvað.

Símtöl við grunaða menn dugi ekki til að varpa grun á nokkurn mann. Hann vék saksóknara úr embætti skömmu eftir að ákærubeiðnin var lögð fram og rak dómsmálaráðherra landsins á miðvikudaginn.