Athugið þessi frétt er meira en 11 mánaða gömul.

23 látnir í rútuslysi í Bólivíu

07.09.2021 - 08:23
epa09428095 A cloud of smoke caused by forest fires over Santa Cruz, Bolivia, 24 August 2021. The Bolivian city of Santa Cruz, the largest and most prosperous in the country, woke up full of smoke caused by forest fires that have so far destroyed nearly 600,000 hectares at different points in that department.  EPA-EFE/Juan Carlos Torrejon
 Mynd: EPA-EFE - EFE
Að minnsta kosti 23 manns, þar af þrjú börn, fórust þegar rúta ók út af fjallvegi og hrapaði niður snarbratta hlíð í Bólivíu í gærkvöld, að sögn lögreglu og vitna.

Rútan, sem flutti 33 manns, hrapaði um 400 metra í Cochabamba fylki um klukkan ellefu á mánudag.

„Ég steig á bremsuna en þær virkuðu ekki,“ var haft eftir ökumanni rútunnar en kona hans lést í slysinu.

Meðal hinna látnu voru einnig þrjú börn á aldrinum eins, tveggja og sex ára, að því er fram kemur í yfirlýsingu lögreglunnar á Facebook. Enn á eftir að bera kennsl á fimm önnur fórnarlömb, kemur þar fram.

Þeir 13 sem slösuðust í óhappinu, sem varð um 50 kílómetra frá höfuðborgarsvæðinu, voru fluttir á sjúkrahús í nágrenninu.

Lögreglan sagði að verið væri að rannsaka orsök slyssins en mannskæð bílslys eru tíð í Bólivíu. Í svipuðu atviki í mars á þessu ári létust 20 manns og í september á síðasta ári létust 19 þegar rúta ók fram af kletti annars staðar í landinu.

Jón Agnar Ólason