Athugið þessi frétt er meira en 2 mánaða gömul.

Vopnaðir menn tóku yfir skip í Ómanflóa

03.08.2021 - 23:29
epa06794001 The sun sets behind the world's tallest completed building, the Burj Khalifa rising high in the skyline above all other buildings of Dubai, United Arab Emirates, 24 March 2018. The megatall Burj Khalifa was completed in 2010 and is 828 meters tall and has 163 floors. The sky is the limit when it comes to tall buildings, which has sparked a worldwide race between nations to construct ever higher.  EPA-EFE/ALI HAIDER
Dubai. Mynd: EPA-EFE - EPA
Vopnaðir menn héldu um borð í tankskipið MV Asphalt Princess í Ómanflóa í dag og skipuðu áhöfninni að snúa skipinu til hafnar í Íran. Skipið var á leið frá Khor Fakkan í Sameinuðu arabísku furstadæmunum til Sohar í Óman.

Ekki er ljóst hverjir bera ábyrgð á skipsráninu en talið er að Íranir séu þarna að verki. Fyrir helgi var ráðist á Olíuflutningaskip úti fyrir ströndum Óman og létust tveir skipverjar í drónaárásinni. Íranir hafa hafnað því að bera ábyrgð á árásinni en Bandaríkjamenn, Bretar og Ísraelar hafa allir ásakað stjórnvöld í Teheran. Skipið er í eigu fyrirtækis frá Sameinuðu arabísku furstadæmunum.

Asphalt Princess, sem siglir undir panamaískum fána, var að sögn BBC tekið yfir af níu vopnuðum mönnum þegar að skipið var við það að sigla í gegnum Hormuz-sund. Utanríkisráðuneyti Íran segir að fregnir af skipum á svæðinu hafi verið grunsamlegar og varaði við tilraunum til þess að búa til aðstæður til þess fallnar að skapa óvild gegn ríkinu.