Athugið þessi frétt er meira en 1 mánaða gömul.

Fyrsta kitlan fyrir Skjálfta

Mynd: - / Ursus Parvus

Fyrsta kitlan fyrir Skjálfta

24.06.2021 - 09:47

Höfundar

Kvikmynd Tinnu Hrafnsdóttur, Skjálfti, sem byggist á skáldsögu Auðar Jónsdóttur, verður frumsýnd í haust.

Skjálfti segir frá Sögu, sem vaknar upp eftir heiftarlegt flogakast á Klambratúni og man lítið sem ekkert hvað gerðist í aðdraganda þess. Í leit hennar að upplýsingum um sjálfa sig og sína nánustu fara minningar sem Saga bældi niður sem barn að koma upp á yfirborðið, minningar sem neyða hana til að horfast í augu við sjálfa sig og fjölskyldu sína sem tekist hafði að þegja ógnvænlegt leyndarmál í hel.

Myndin byggist á skáldsögunni Stóra skjálfta eftir Auði Jónsdóttur, sem kom út 2015, hlaut bóksalaverðlaunin og var tilnefnd til íslensku bókmenntaverðlaunanna. Leikstjóri og handritshöfundur er Tinna Hrafnsdóttir. 

Með aðalhlutverk fer Aníta Briem. Meðal annarra leikara eru Jóhann Sigurðsson, Edda Björgvinsdóttir, Benjamín Árni Daðason, Sigurður Sigurjónsson, Tinna Hrafnsdóttir, Sveinn Geirsson og Kristín Haraldsdóttir.

Myndin er væntanleg í kvikmyndahús í haust.

Tengdar fréttir

Kvikmyndir

„Heilinn er alltaf að reyna að verja okkur“