Athugið þessi frétt er meira en 1 mánaða gömul.

Þrettán ljómandi fisvélar vöktu athygli á jörðu niðri

13.05.2021 - 00:37
Mynd með færslu
 Mynd: Hafsteinn Haraldsson - RÚV
Fólk á höfuðborgarsvæðinu rak upp stór augu á tólfta tímanum í kvöld vegna mikils ljósagangs yfir höfuðborginni og nágrenni hennar. Jónas Sverrisson, formaður Fisfélags Reykjavíkur staðfesti í samtali við fréttastofu að þarna hafi hann og tólf félagar hans í Fisfélaginu verið á sveimi á fisum sínum í fyrsta hópflugi sumarsins.

 Jónas sagði að fisvélarnar megi ekki fljúga yfir þéttbýli og ekki fyrir klukkan ellefu á kvöldin í kringum Reykjavík. Því hafa væntanlega flest komið auga á uppljómaðan fisvélasveiminn þegar hann var að koma inn til lendingar á tólfta tímanum. 
 

13 fisflugvélar koma inn til lendingar í Reykjavík á tólfta tímanum að kvöldi 12. maí  2021 eftir fyrsta hópflug sumarsins.
 Mynd: Arnar Hreinsson - RÚV
Fislétt aðflug á tólfta tímanum
Ævar Örn Jósepsson
Fréttastofa RÚV
andriyv's picture
Andri Yrkill Valsson
Fréttastofa RÚV