Setti Íslandsmet í jafnhendingu

epa09116485 Thuridur Helgadottir of Iceland in action during the women's 59kg category at the 2021 EWF European Weightlifting Championships, in Moscow, Russia, 05 April 2021.  EPA-EFE/MAXIM SHIPENKOV
 Mynd: EPA-EFE - EPA

Setti Íslandsmet í jafnhendingu

07.04.2021 - 08:50
Þuríður Erla Helgadóttir setti Íslandsmet í 59 kg flokki kvenna í jafnhendingu á Evrópumótinu í ólympískum lyftingum sem stendur yfir þessa dagana í Rússlandi.

Þuríður Erla jafnhenti 108 kg og setti um leið Íslandsmet í samanlögðu eða 191 kg, þar sem hún snaraði 83 kg á mótinu. Það er fjórum kílóum frá Íslandsmeti hennar í snörun, sem hún setti á EM 2019. Þuríður Erla varð í 2. sæti í B hluta 59 kg flokksins á EM í ár eða í 10. sæti samanlagt.

Einar Ingi Jónsson keppti svo í B-hluta 73 kg flokks karla í gær. Hann snaraði 114 kg og tók 145 kg í jafnhendingu og endaði í 7. sæti síns riðils. Amalía Ósk Sigurðardóttir varð áttunda í B-hluta 64 kg flokksins. Amalía lyfti samanlagt 179 kg. Hún tók 79 kg í snörun og 100 kg í jafnhendingu.

Síðastur Íslendinga til að keppa á EM í ólympískum lyftingum í Rússlandi verður svo Daníel Róbertsson sem keppir í B-hluta 89 kg flokks á morgun.