Athugið þessi frétt er meira en 1 mánaða gömul.

Rekistefna er Ingebrigtsen vann 1500 metrana

epa09055419 Jakob Ingebrigtsen of Norway reacts after the men's 1500m at the 36th European Athletics Indoor Championships at the Arena Torun, in Torun, north-central Poland, 05 March 2021. Ingebrigtsen finished in first place but was disqualified.  EPA-EFE/Leszek Szymanski POLAND OUT
 Mynd: EPA-EFE - PAP

Rekistefna er Ingebrigtsen vann 1500 metrana

06.03.2021 - 10:16
Norðmaðurinn Jakob Ingebrigtsen mátti bíða í rúmlega tvo klukkutíma eftir að fá niðurstöðu um það hvort hann hefði í raun unnið 1500 metra hlaup karla á EM í frjálsum innanhúss í gær.

Jakob Ingebrigtsen kom fyrstur í mark í 1500 metrunum og fagnaði vel. En skömmu síðar var hann dæmdur úr leik og sviptur sigrinum fyrir að hafa, um stund, hlaupið utan brautar. Ingebrigtsen mótmælti þessu harðlega og sagði að sér hefði verið ýtt út úr brautinni.

Niðurstaða fékkst í málið skömmu fyrir miðnætti í gær, rúmlega tveimur tímum síðar, en þá féllust dómarar á það að Ingebrigtsen hefði í raun verið ýtt og sigurinn því hans. Þetta er í annað sinn sem Jakob Ingebrigtsen fagnar sigri í 1500 metra hlaupi á EM í frjálsum innanhúss.

Sýnt verður beint frá EM í frjálsum á RÚV 2 í dag og hefst útsending kl. 17.45.