Mynd: Óðinn Svan Óðinsson - RÚV
Athugið þessi frétt er meira en 2 mánaða gömul.
Helgarveðrið hagstætt miðað við árstíma
Hægar suðlægar eru ríkjandi í dag með lítilsháttar rigningu. Bjartviðri er á Norður og Austurlandi. Í kvöld bætir í rigningu á Suður- og Vesturlandi en hiti verður á bilinu tvö til sjö stig.
Dálítil væta verður á köflum á morgun en svolítill él um landið norðaustanvert og hiti þar við frostmark. Á höfuðborgarsvæðinu er gert ráð fyrir suðaustanátt með lítilsháttar vætu, gola eða stinningsgola, 3 til 8 metrar á sekúndu.
Í kvöld og nótt spáir veðurstofan rigningu eða súld, hiti þrjú til sjö stig. Á morgun verður hæg breytileg átt á höfuðborgarsvæðinu, þurrt að kalla í kólnandi veðri.
Á sunnudag er áfram hægviðri í kortunum og yfirleitt þurrt og einnig gæti sólin náð að skína nokkuð víða, að því er segir í hugleiðingum veðurfræðings á Veðurstofu Íslands.
Þar segir einnig að helgarveðrið sé með hagstæðasta móti miðað við árstíma og um að gera að njóta þess meðan er.
Hálkublettir eða hálka eru á nokkrum fjallvegum á norðaverðu landinu. Hálkublettir eru einnig á örfáum stöðum á Suðausturlandi.
