Athugið þessi frétt er meira en 1 mánaða gömul.

Sæmundarskóli og Laugalækjarskóli komust áfram í Skrekk

Mynd með færslu
 Mynd: UngRUV

Sæmundarskóli og Laugalækjarskóli komust áfram í Skrekk

03.03.2021 - 22:18

Höfundar

Sæmundarskóli og Laugalækjarskóli komust áfram í úrslit Skrekks, hæfileikakeppni skóla- og frístundasviðs Reykjavíkur á þriðja og síðasta undankvöldinu sem fram fór í Borgarleikhúsinu í kvöld.  

“Mér hefur aldrei liðið betur. Ég er svo ánægður, stoltur og hlakka svo til að fara í úrslitin,” segir Orri keppandi Laugalækjarskóla.

“Mér líður eins og ég veit ekki hvað. En að ég geti endað mína skólagöngu á því að komast áfram í Skrekk með öllum vinum mínum og bekkjarfélögum er bara tilfinning sem ég get ekki lýst,” segir Bára Katrín keppandi Sæmundarskóla.

18 skólar taka þátt í ár á þremur undanúrslitakvöldum. Sex skólar keppa á hverju undankvöldi, tveir skólar komast áfram eftir hvert þeirra og tveir til viðbótar verða sérstaklega valdir af dómnefnd. 

Á morgun kemur í ljós hvaða tveir skólar verða valdir sérstaklega. 8 skólar keppa til úrslita á lokakvöldi Skrekks sem fram fer í Borgarleikhúsinu 15. mars og verður í beinni útsendingu á RÚV. 

Mynd með færslu
 Mynd: UngRUV