Mynd: Rúnar Snær Reynisson - RÚV
Athugið þessi frétt er meira en 1 mánaða gömul.
4-11 stiga hiti í dag
Í dag er spáð suðlægri átt, víða 8-13 m/s og rigning eða skúrir, og
talsverð rigning á Suðausturlandi, en úrkomulítið um landið
norðaustanvert. Það hefur hlýnað ört í nótt, en í dag verður hiti yfirleitt á
bilinu 4 til 11 stig.
Í spá Veðurstofu Íslands segir að bæta muni í vind í kvöld. Á morgun verður allhvöss sunnan- og suðvestanátt og áfram vætusamt og milt veður, en víða bjartviðri á Austurlandi.
Annað kvöld mun kólna og á sunnudag er svo útlit fyrir suðvestan hvassviðri og éljagang um landið sunnan- og vestanvert.
