Athugið þessi frétt er meira en 2 mánaða gömul.

Snjóflóð á Fagradal

15.02.2021 - 12:24
Mynd: Rúnar Snær Reynisson / RÚV
Snjóflóð, krapaflóð og skriður hafa fallið nokkuð víða á austanverðu landinu síðasta sólarhringinn. Rúnar Snær Reynisson fréttamaður kannaði aðstæður á Fagradal en þar lokaði snjóflóð veginum tímabundið seint í gærkvöld.

Veðurstofan greinir frá því að einnig sé vitað um snjóflóð á Eskifirði, Norðfirði, Seyðisfirði, Fljótsdal og Vopnafirði.

Krapaflóð hafa fallið í Öræfasveit, Fáskrúðsfirði, Reyðarfirði, Seyðisfirði og í Skriðdal svo vitað sé, segir á vef Veðurstofunnar.

Þá féll aurskriða austan við Höfn í Hornafirði og smáskriður og grjóthrun utarlega i Borgarfirði Eystri. Eitthvað tjón hefur orðið og lokuðust vegir tímabundið til dæmis í Borgarfirði Eystri, Fáskrúðsfirði og í Fagradal eins og áður sagði og aurskriðan austan Hornafjarðar tók stæðu í rafmagnslínu.