Athugið þessi frétt er meira en 3 mánaða gömul.

Janus Daði á leið í aðgerð

Mynd með færslu
 Mynd: Mummi Lú - RÚV

Janus Daði á leið í aðgerð

26.01.2021 - 08:02
Ljóst er að landsliðsmaðurinn Janus Daði Smárason spilar ekki meiri handbolta á þessari leiktíð en Janus er á leiðinni í aðgerð á öxl. Janus fór heim af HM í Egyptalandi eftir riðlakeppnina vegna meiðslanna.

Janus Daði leikur með Göppingen í Þýskalandi. Christian Schöne, yfirmaður íþróttamála hjá Göppingen, segir að það sé mikið áfall fyrir liðið að Janus Daði geti ekki spilað meira með Göppingen á leiktíðinni. 

Janus Daði verður í kapphlaupi við tímann um að ná næstu landsleikjum en næstu leikir íslenska landsliðsins verða í undankeppni EM 2022 í apríl og maí en þá mætir Ísland Litáen á útivelli og Ísrael í Laugardalshöllinni.