Athugið þessi frétt er meira en 1 mánaða gömul.

Háspenna í milliriðli II eftir sigur Katar á Argentínu

Mynd: EPA-EFE / AP POOL

Háspenna í milliriðli II eftir sigur Katar á Argentínu

25.01.2021 - 18:35
Katar hleypti spennunni heldur betur upp í milliriðli II á HM karla í handbolta með eins marks sigri á Argentínu í lokaumferð riðilsins í kvöld. Leikurinn endaði 26-25 fyrir Katar. Argentínu nægði jafntefli til að komast í 8-liða úrslit en Katar varð að vinna. Hvorugt lið er þó enn öruggt með sæti í 8-liða úrslitum.

Danir voru þeir einu í riðlinum sem voru öruggir í 8-liða úrslit fyrir lokaumferðina í dag. Sigur Argentínu á Katar varð hins vegar til þess að allt verður undir fyrir Króatíu á móti Danmörku klukkan 19:30. Króatar geta nefnilega enn komist í 8-liða úrslit. Það geta Katar og Argentína þó líka.

Vinni Króatar Dani komast Króatar í 8-liða úrslit. Vinni Danir Króata kemst Katar í 8-liða úrslit. Geri Danir og Króatar jafntefli kemst Argentína hins vegar í 8-liða úrslitin. Það má því með sanni segja að það sé háspenna í milliriðli II fyrir leik Danmerkur og Króatíu.

Leikur Spánar og Ungverjalands í milliriðli I var sýndur á RÚV 2 áðan. Hann unnu Spánverjar örugglega 36-28 og mæta Noregi í 8-liða úrslitum á miðvikudag. Ungverjar mæta Frökkum. Um leið og leik Spánar og Ungverjalands lauk var hins vegar skipt yfir á lokamínúturnar í spennandi leik Argentínu og Katar. Sjá má síðustu augnablik leiksins úr Argentína-Katar í spilaranum hér fyrir ofan.