Athugið þessi frétt er meira en 1 mánaða gömul.

Enn mjög óljóst hvort „breska afbrigðið“ sé banvænna

23.01.2021 - 18:07
epa08955728 A patient is brought into the Royal London hospital in London, Britain, 21 January 2021. Britain's national health service (NHS) is coming under sever pressure as Covid-19 hospital admissions continue to rise across the UK. Over one thousand people are dying each day from the disease.  EPA-EFE/ANDY RAIN
 Mynd: EPA-EFE - EPA
Breskir vísindamenn segja að óljós merki um að breska afbrigði kórónuveirunnar sé hættulegra en önnur ættu ekki að hafa áhrif á ákvarðanir yfirvalda um sóttvarnaaðgerðir.

Boris Johnson, forsætisráðherra Bretlands, sagði á blaðamannafundi í dag að vísbendingar væru uppi um að breska afbrigði veirunnar væri banvænna en önnur. Hann vísaði í rannsókn breskra vísindamanna og breska ríkisútvarpið hafði eftir einum þeirra í dag að þetta væri enn mjög óljóst.

Annar vísindamaður furðaði sig á því að forsætisráðherrann hefði vísað í niðurstöðurnar því vísbendingarnar væru ekki skýrar. Sá þriðji sagði of snemmt að fullyrða um þetta.

Eftir ræði forsætisráðherrans á blaðamannafundinum fyrr í dag sagði Sir Patrick Vallance, ráðgjafi hans, að það væri enn mikil óvissa í kringum niðurstöðurnar. Bráðabirgðaniðurstöður bentu þó til þess að breska afbrigðið gæti verið um 30 prósent banvænna en önnur. 
 

hildurmj's picture
Hildur Margrét Jóhannsdóttir
Fréttastofa RÚV