Tilnefningar til Kraumsverðlauna 2020

Mynd með færslu
 Mynd: Kraumur - Aðsend

Tilnefningar til Kraumsverðlauna 2020

30.11.2020 - 14:39

Höfundar

Nú er búið að tilkynna hvaða tuttugu plötur eru tilnefndnar til hinna eftirsóttu Kraumsverðlauna í ár. Þetta er í þrettánda sinn sem verðlaunin eru veitt fyrir þær íslensku plötur sem þykja hafa borið af á árinu hvað varðar gæði, metnað og frumleik. 

Af þeim tuttugu plötum sem tilnefndar eru hljóta sex þeirra Kraumsverðlaunin árið 2020 sem veitt verða í desember. Á meðal þeirra sem hafa hlotið verðlaunin frá því þau voru fyrst veitt árið 2008 má nefna Auði, Cell7, Daníel Bjarnason, Hildi Guðnadóttur, Hjaltalín, Lay Low, Mammút, Ólöfu Arnalds, Retro Stefson og Sóleyju.

Tilnefningar til Kraumsverðlaunanna 2020:

0 - Entity
Andartak - Constructive Metabolism
Asalaus - Asaleysing
Bára Gísla - HIBER
Bríet - Kveðja, Bríet
Buspin Jieper - VHS Volcanic / Harmonic / Sounds
Celebs - Tálvon hinna efnilegu
Cyber - Vacation
Gugusar – Listen to this Twice
Ingibjörg Turchi - Meliae
K.óla - Plastprinsessan
Magnús Jóhann - Without Listening
Mengun - Þrettán tólf
Salóme Katrín - Water
Skoffín - Skoffín hentar íslenskum aðstæðum
Supersport! - Dog Run EP
Tucker Carlson's Jonestown Massacre - Ingilín
Ultraflex - Visions of Ultraflex
Volruptus - First Contact
Yagya - Old Dreams And Memories

Ljóst er að mikil gróska er í íslensku tónlistarlífi og útgáfu en dómnefndin hlustaði á 439 hljómplötur og útgáfur sem komu út á árinu við val sitt. Kraumsverðlaunum er ætlað að kynna og styðja við plötuútgáfu íslenskra listamanna og hljómsveita. Verðlaunin eru ekki bundin ákveðinni tónlistarstefnu og þeim fylgja engir undirflokkar. Alls hafa rúmlega sjötíu listamenn og hljómsveitir hlotið verðlaunin fyrir plötur sínar, flestir snemma á ferli sínum.

Það er Aurora velgerðasjóður sem stendur að Kraumsverðlaununum. 

Kraumslistinn og Kraumsverðlaunin eru valin af níu manna dómnefnd sem skipuð er fólki með margvíslega reynslu af því að fjalla um, spila og vinna með íslenska tónlist í fjölmiðlum og á öðrum vettvangi.

Kraumslistinn og Kraumsverðlaunin eru valin af níu manna dómnefnd skipuð fólki með margvíslega reynslu af því að fjalla um, spila og vinna með íslenska tónlist í fjölmiðlum og á öðrum vettvangi.

Dómnefndina í ár skipa; Árni Matthíasson (formaður), Arnar Eggert Thoroddsen, Helga Þórey Jónsdóttir, Lovísa Rut Kristjánsdóttir, Maria Lilja Thrastardottir Kemp, Óli Dóri, Rósa Birgitta Ísfeld, Trausti Júlíusson og Þorbjörg Roach Gunnarsdóttir.