Mynd: Slökkviliðið á höfuðborgar
Athugið þessi frétt er meira en mánaðargömul.
Búið að slökkva eldinn í bátnum við Grandagarð
Slökkvistörfum er lokið í eikarbátnum Rexa, sem liggur við Grandagarð í Reykjavíkurhöfn. Slökkviliði barst tilkynning um eldinn klukkan 23.20 og var þá mannskapur af tveimur stöðvum sendur á vettvang. Eldurinn reyndist ekki mikill, slökkvistörf gengu greiðlega og lauk á fyrsta tímanum í nótt.
Báturinn lá utan á öðrum eikarbáti, sem skemmdist ekki í eldinum. Eldsupptök eru ókunn en lögregla rannsakar málið.
