Mynd: EPA-EFE - Sputnik
Athugið þessi frétt er meira en mánaðargömul.
Lúkasjenkó kveðst tilbúinn að fara frá
Alexander Lúkasjenkó, forseti Hvíta-Rússlands, kveðst vera reiðubúinn að láta af embætti eftir að ný stjórnarskrá hefur verið samþykkt. Ríkisfréttastofan Belta greinir frá þessu í dag. Ekki kemur fram í fréttinni hvenær útlit er fyrir að það geti gerst.
Stjórnarandstæðingar hafa safnast saman um hverja helgi og krafist afsagnar forsetans frá því í kosningum 9. ágúst. Hann og stuðningsmenn hans eru sakaðir um víðtæk kosningasvik. Lúkasjenkó sakar vestræn ríki um að standa að baki mótmælunum. Hann hefur verið við völd í 26 ár og er iðulega nefndur síðasti einræðisherrann í Evrópu.
