Íslendingar svartsýnir og bugaðir á samfélagsmiðlum

Mynd: EPA-EFE/ energepic.com - EPA Images / Pexels

Íslendingar svartsýnir og bugaðir á samfélagsmiðlum

04.11.2020 - 10:42

Snærós Sindradóttir

dagskrárgerðarmaður

Það er mun mjórra á munum í bandarísku forsetakosningunum en spár gerðu ráð fyrir og svo gæti farið að Donald Trump haldi forsetaembættinu í fjögur ár til viðbótar. Íslendingar á samfélagsmiðlinum Twitter virðast upp til hópa afar ósáttir með stöðuna og örlar á bæði örvæntingu og depurð hjá þeim sem tjá sig.

RÚV hefur fylgst náið með úrslitum forsetakosninganna í alla nótt en hér má sjá stöðuna uppfærða eftir því sem líður á talningu atkvæða.

Íslendingar á Twitter virðast hafa mikinn áhuga á úrslitum kosninganna en í alla nótt hefur fólk keppst við að tísta viðbrögðum sínum í rauntíma. Hér á eftir fylgja nokkur af þeim tístum sem lýsa því vel hvaða áhrif kosningarnar eru að hafa á tilfinningalíf fólks.

2020 reynst hræðilegt ár

Bryndís Gunnlaugsdóttir er búin að fá sig fullsadda af öllu því sem riðið hefur yfir á árinu

Þegar ég hélt að 2020 gæti ekki versnað. Vantar bara eldgosið #kosningar2020

— Bryndís Gunnlaugsdóttir (@bryndisgull) November 4, 2020

Sérstaklega þungbært að vakna í morgun

Margir voru á því að morguninn hefði ekki beinlínis verið sá bjartasti.

Vaknaði akkúrat í þann mund sem Trump sagðist vilja hætta að telja atkvæði og lýsti furðulega yfir sigri. Er núna að reyna að sofna aftur til að komast hjá þessari martröð. #kosningar2020

— nikólína hildur (@hikolinanildur) November 4, 2020

Ja hérna. Ég var að vakna. Tilfinningin er eiginlega verri en þegar ég vaknaði fyrir fjórum árum. Þetta verður að enda vel #kosningar2020

— Sara Dögg (@saradoggsvan73) November 4, 2020

Var að vakna. Vissi ekki að tilfinningin gæti verið verri en fyrir fjórum árum. Líður eins og heiminum sé ekki við bjargandi. #kosningar2020

— Sóley Tómasdóttir (@soleytomasar) November 4, 2020

Aðrir fóru ekkert að sofa

Ég er búin að vera á barmi taugaáfalls í alla nótt. Hlakka til að halda því áfram bara #kosningar2020

— Sonja Margrét (@gradostur) November 4, 2020

Nú er ég bara að spá í hvernig ég eigi að útskýra fyrir frúnni afhverju ég vakti yfir þessu til að verða 05:00 #kosningar2020

— Eiríkur Rúnarsson (@EirikurMar) November 4, 2020

Get ekki farið að sofa. Finnst eins og það að fara sofa sé eins og þetta atriði í Titanic. #kosningar2020 pic.twitter.com/TerQzxit9e

— Helga Lind Mar (@helgalindmar) November 4, 2020

Vantar stuð í þetta

Svo eru það þeir sem vilja sjá meiri afþreyingu í kosningasjónvarpinu. Það er svo sem óhætt að taka undir þá kröfu.

Bíð eftir að það komi Spaugstofusketchar á CBS. #kosningar2020

— Sigursteinn Sigurðz (@gjafi_sigur) November 4, 2020

Ég var því miður ekki í ritstjórn kosningasjónvarpsins - það hefði ekki farið á milli mála, enda hefði ég þá haft Ladda með eftirhermur. En þetta er samt flott @birtabjoss og co, bara öðruvísi en kosningavaka með Ladda, sem hefði líka verið flott. #kosningar2020

— Stígur Helgason (@Stigurh) November 4, 2020

Ég vil sjá Trump og Lil Wayne að skála í purple drank á kosningavöku í Hvíta húsinu #kosningar2020

— Davíð Roach (@DavidRoachG) November 4, 2020

Eru ekki alltaf tónlistaratriði i kosningasjónvarpinu okkar? Kaninn virðist gleyma því #kosningar2020

— Agust Olafur (@agustolafur) November 4, 2020