Athugið þessi frétt er meira en mánaðargömul.

Obama segir Trump ekki taka forsetaembættið alvarlega

epa08763515 A frame grab from a handout video released by the Biden Harris campaign shows former US President Barack Obama speaking at a drive-in rally campaign event for Democratic presidential candidate former US Vice President Joe Biden, in Philadelphia, USA, on 22 October 2020. Democratic Party nominee former US Vice President Joe Biden faces US President Donald J. Trump in the 03 November 2020 general election.  EPA-EFE/BIDEN HARRIS CAMPAIGN / HANDOUT BEST QUALITY AVAILABLE HANDOUT EDITORIAL USE ONLY/NO SALES
 Mynd: EPA-EFE - BIDEN HARRIS CAMPAIGN
Joe Biden forsetaframbjóðandi Demókrata stóð ekki sjálfur fyrir neinum skipulögðum viðburði í dag, þriðja daginn í röð. Á hinn bóginn heldur Donald Trump hvern kosningafundinn af öðrum.

Andstæðingar Bidens fullyrða að kenna megi hnignandi andlegri og líkamlegri heilsu varaforsetans um fjarveru hans frá opinberum athöfnum.

Stuðningsmenn Bidens staðhæfa hins vegar að hann sé einfaldlega að undirbúa sig fyrir sjónvarpskappræður frambjóðendanna á fimmtudagskvöldið.

Barack Obama fyrrverandi Bandaríkjaforseti sagði Trump ekki hafa ráðið við embættið þegar hann ávarpaði gesti fyrsta opinbera kosningafundar hans fyrir Biden. Fundurinn var haldinn í borginni Fíla­delfíu í Penn­sylvan­íu, sem er eitt lykilríkjanna í kosningabaráttunni.

„Við hin þurfum að lifa með því að Trump hefur sýnt að hann tekur embættið ekki alvarlega. Þetta er ekki raunveruleikaþáttur heldur blákaldur veruleiki,“ sagði forsetinn fyrrverandi. Biden var varaforseti Obama á árunum 2009 til 2017.

Sem stendur hafa 42 milljónir bandarískra kjósenda þegar greitt atkvæði sitt samkvæmt upplýsingum frá óháðri stofnun á vegum Flórída-háskóla sem heldur utan um kosningaupplýsingar.

Demókratar hafa hvatt kjósendur til að greiða atkvæði svo fljótt sem þeir geta. Það hefur orðið til þess að víða um ríki hafa myndast langar raðir fólks sem bíður eftir að fá að kjósa.

Repúblikanar hafa á hinn bóginn lagt hart að kjósendum að flykkjast á kjörstaði 3. nóvember, vegna hættu á kosningasvindli þegar atkvæði eru greidd fyrir fram. Ekkert virðist þó benda til að svo sé.